SHRI RAM STUTI ଶ୍ରୀରାମ ସ୍ମୃତି

 ଶ୍ରୀରାମ ସ୍ମୃତି 

ଜୟ ଶ୍ରୀ ରାମ 

ନମସ୍ତେ ନମସ୍ତେ ପ୍ରଭୁ କୌଶଲ୍ୟା ନନ୍ଦନ | ନମସ୍ତେ ନମସ୍ତେ ପ୍ରଭୁ ଅହଲ୍ୟା ତାରଣ || 

ନମସ୍ତେ ନମସ୍ତେ ପ୍ରଭୁ ଦଶରଥ ସୁତ | ନମସ୍ତେ ନମସ୍ତେ ପ୍ରଭୁ ଅନାଦି ଅଚ୍ୟୁତ || 

ନମସ୍ତେ ହେ ମୀନ ଦେବ ଶଙ୍ଖାସୁର ହନ୍ତା | ନମସ୍ତେ କୂର୍ମ ବରାହ ଧରଣୀ ରଖନ୍ତା || 

ନମସ୍ତେ ବାମନ ବଳୀ ଦାନବ ଦଳନ | ନମସ୍ତେ ହେ ପର୍ଶୁରାମ ଗରବ ଗଞ୍ଜନ ||

ନମସ୍ତେ ହେ ରଘୁନାଥ ଚତୁର୍ଦ୍ଧା ମୁରତି | ନମସ୍ତେ ଜଗତପତି ଅଗତିର ଗତି || 

ନମସ୍ତେ ଯୋଗୀଙ୍କ ଜପାମାଳି ଜନାର୍ଦ୍ଦନ | ନମସ୍ତେ ଜାନକୀ କାନ୍ତ ଗରୁଡ଼ ବାହନ ||

ଜୟ ଜୟ ରଘୁନାଥ ଶରଣ ରକ୍ଷଣ | ମିତ୍ର ଛଳେ ବାଳୀର ଘେନିଲ ପରାଣ ||

ଜୟ ଜୟ ରଘୁନାଥ ଗତି ମୁକ୍ତି ଦାତା | ଜୟ ଜୟ ରଘୁନାଥ ଜଗତ କରତା ||

ଜୟ ଜୟ ରଘୁନାଥ ଅହଲ୍ୟା ତାରଣ | ଜୟ ଜୟ ରଘୁନାଥ କୋଦଣ୍ଡ ଧାରଣ || 

ଜୟ ଜୟ ରଘୁନାଥ ସୂର୍ଯ୍ୟ କୁଳମଣି | ଜୟ ଜୟ ରଘୁନାଥ ହେ କୋଦଣ୍ଡ ପାଣି ||

ଜୟ ଜୟ ରଘୁନାଥ ଜାନକୀଙ୍କ ପତି | ଜୟ ଜୟ ରଘୁନାଥ ଯୋଗୀଙ୍କ ସମ୍ପତ୍ତି ||

ଜୟ ଜୟ ଅଭୟ ବରଦ ଦୀନନାଥ | ଜୟ ଜୟ ଅହଲ୍ୟା ତାରଣ ଲକ୍ଷ୍ମୀକାନ୍ତ || 

ଜୟ ଜୟ ରଘୁନାଥ ଶଙ୍ଖଚକ୍ରଧାରୀ | ଜୟ ଜୟ ରଘୁନାଥ ବୈକୁଣ୍ଠ ବିହାରୀ || 

ଜୟ ଜୟ ରଘୁନାଥ ଭକତଙ୍କ ବନ୍ଧୁ | ଜୟ ଜୟ ରଘୁନାଥ କୃପାମୟ ସିନ୍ଧୁ ||

ଜୟ ଜୟ ରଘୁନାଥ ଦୁଃଖୀ ଦୁଃଖହନ୍ତା | ଜୟ ଜୟ ରଘୁନାଥ ହେ ସୃଷ୍ଟି କରତା ||

ଜୟ ଜୟ ଦୂରିତନାଶନ ଭକ୍ତବନ୍ଧୁ | ଜୟ ଜୟ ପତିତପାବନ ଦୀନବନ୍ଧୁ ||

ଜୟ ଜୟ ଦଇତାରୀ ମୁକୁନ୍ଦ ମୁରାରୀ | ଜୟ ଜୟ ଶଙ୍ଖଚକ୍ର ଗଦାପଦ୍ମ ଧାରୀ ||

ଜୟ ଜୟ ଆରତ ଧ୍ବଂସନ ପୀତବାସ | ଜୟ ଜୟ କୌଶଲ୍ୟା ନନ୍ଦନ ହୃଷୀକେଶ || 

ଜୟ ଜୟ ଦୁଷ୍ଟ ନିବାରଣ ଭଗବାନ | ଜୟ ଜୟ ନିଳ ତନୁ ଜାନକୀ ଜୀବନ || 

ଜୟ ଜୟ କ୍ଷୀରସିନ୍ଧୁ ଅନନ୍ତ ଶୟନ | ଜୟ ଜୟ ଦୟାମୟ ନିତ୍ୟ ନିରଞ୍ଜନ ||

ଜୟ ଜୟ ତ୍ରିଭୁବନ ବ୍ୟାପକ ଶ୍ରୀ ହରି | ଜୟ ଜୟ ରାବଣର ଗର୍ବ ଖର୍ବକାରି ||

ଜୟ ଜୟ ସୀତାପତି ସତ୍ୟ ସନାତନ | ଜୟ ଜୟ ପଦ୍ମ ନେତ୍ର ଶ୍ରୀବତ୍ସଲାଞ୍ଚନ || 

ଜୟ ଜୟ ରଘୁନାଥ କୌସ୍ତୁଭ ଭୂଷଣ | ଜୟ ଜୟ ଜୟ ମୁନି ମାନସ ହରଣ ||

ଜୟ ଜୟ ଦେବତାଙ୍କ ସହାୟ କାରକ | ଜୟ ଜୟ ଦେବ ଭବଭୟ ନିବାରକ || 

ଜୟ ଜୟ ରଘୁନାଥ ପ୍ରଭୁ ଦାଶରଥୀ | କୌଶଲ୍ୟା ନନ୍ଦନ ଦେବ ଅପୂର୍ବ ମୁରତି || 

ଜୟ ରାଘବ ରାବଣ ଗରବ ଗଞ୍ଜନ | ଜୟ ପ୍ରଭୁ ଇନ୍ଦ୍ରଜିତ ମାୟା ବିଧ୍ୱଂସନ || 

ଜୟ ରାଜଇନ୍ଦ୍ର ଦେବ ଲୋକ ଅଭିରାମ | ଜୟ ଜୟ ରଘୁକୁଳ ତିଳକ ଶ୍ରୀରାମ || 

ଜୟ ସୁଗ୍ରୀବ ମଇତ୍ର ଵାଲୀ ବିଧ୍ୱଂସନ | ଜୟ ଦଇତାରୀ ଘୋର ଦୁରିତ ନାଶନ ||

ଜୟ ନାଥ ବିଭୀଷଣ ଶରଣ ରକ୍ଷଣ | ଜୟ ନରକ ଅନ୍ତକ ସର୍ବ ସୁଲକ୍ଷଣ ||

ଜୟ ପାପ ତାପହାରି ଜଗତ ଜୀବନ | ଜୟ ଧନୁ ଭଗ୍ନକାରୀ ଶ୍ରୀ ରଘୁନନ୍ଦନ || 

ଜୟ ପୁରୁଷୋତ୍ତମ ପ୍ରଭୁ ଭଗବାନ | ଜୟ ଶ୍ରୀ ସଚ୍ଚିଦାନନ୍ଦ ଜୟ ସନାତନ ||

ଜୟ ଚତୁର୍ଦ୍ଧା ମୁରତି ଚାରି ଅଂଶେ ଜାତ | ଶ୍ରୀରାମ ଲକ୍ଷ୍ମଣ ଶତୃଘନ ଯେ ଭରତ ||

ଏହି ଚାରିନାମ ହୋଇ ଲୀଳା ବିସ୍ତାରିଲ | ସୀତା ଛଳେ ଦୁଷ୍ଟ ଦାନବକୁ ବିନାଶିଲା || 

ତୋହର ମହିମା ପ୍ରଭୁ କେ କହିପାରିବ | ଦେବତାମାନଙ୍କୁ ଯାହା ଅଟଇ ଦୁର୍ଲ୍ଲଭ ||

ବାଳ ଅରୁଣକୁ ନିନ୍ଦେ ଶ୍ରୀମୁଖ ତୋହର | ରତ୍ନମୁକୁଟ ଶିରରେ ଦିଶେ ମନୋହର || 

ଶ୍ରୀବତ୍ସ ଲାଞ୍ଛନ ରାଜେ କଭସ୍ତୁଭ ହାର | ବନମାଳ ବୈଜୟନ୍ତୀ ଦିଶଇ ସୁନ୍ଦର || 

ରଙ୍ଗରାଜୀବ ପାଦକୁ କି ଦେବି ଉପମା |ବର୍ଣ୍ଣି ନ ପାରନ୍ତି ଯାହା ଶେଷ ଦେବ ବ୍ରହ୍ମା || 

ସନ୍ଥଜନମାନଙ୍କୁ ଯେ ରଖିଲ କୁଶଳେ | ଗରବ ଗଞ୍ଜନ ବାନା ଉଡ଼ାଇଲ ହେଳେ || 

ତୋ ମହିମା ଦେବ ଦାନବଙ୍କୁ ତ ଦୁର୍ଲ୍ଲଭ | ତୁ କେଶୀ ହନ୍ତା ମୁରାରୀ ତୁ ବିଜୁଳି ପ୍ରଭ || 

ତୁ ଅଟୁ ଜଗତ ପିତା ସର୍ବଲୋକ ବନ୍ଧୁ | ସୀତା ଠାକୁରାଣୀଙ୍କର ଅଟୁ ପ୍ରାଣବନ୍ଧୁ || 

ତୋ ନାମ ଶ୍ରୀପତି ଶ୍ରୀଧର ଯେ ଶ୍ରୀନିବାସ | ରାଜା ଗଘୁବର ରାଘବ ଯେ ହୃଷୀକେଶ || 

ଅପୂର୍ବ ମୁରତି ସୀତାପତି ଦିବ୍ୟଦେହ | ସୁଯୋଗ୍ୟ ପୁରୁଷ ତୁହି ଅଟୁ ମହାଶୟ || 

ସର୍ବ କର୍ମ ନିର୍ମାଣର ଦାତା ତୁ ବୋଲାଉ | ଜ୍ଞାନ ଦେଇ ଅଜ୍ଞାନକୁ ଦୂରକରି ଦେଉ || 

ତୁହି ହର୍ତ୍ତା ତୁହି କର୍ତ୍ତା ତୁହି ଇଷ୍ଟକାର | ତୁହି ଧ୍ୟାନ ତୁହି ଧେୟ ତୁହି ସ୍ୱାହାକାର ||

ଆତ୍ମାର ମଧ୍ୟ ତୁହି ସର୍ବ ଆତ୍ମାଧାର | ଧର୍ମ କର୍ମ ଆଦି ସର୍ବ ସିଦ୍ଧାନ୍ତ ତୋହର ||

ଯୁଗାନ୍ତ ଶେଷ ପୁରୁଷ ପୁରାତନ ବ୍ୟକ୍ତି | ତୋହର ସ୍ୱରୂପ ପ୍ରଭୁ କହି ନ ଜାଣନ୍ତି ||

ଦେବା ପ୍ରିୟ ବୋଲି ତୋତେ ବୋଲଇ ଜଗତ | ଅଦୃଶ୍ୟ ଅବ୍ୟକ୍ତ ତୁହି ଅବ୍ୟୟ ଅଚିନ୍ତ୍ୟ ||

ତୁ ନକ୍ଷେତ୍ର ତୁ ଆକାଶ ଜଜ୍ଞଚର ତୁହି | ତୁହି ସ୍ୱେଦଜ ଉଦ୍ଭିଜ ଯୋଗେଶ୍ୱର ତୁହି ||

ତୁହି ହାର୍ଟ ତୁହି କର୍ତା ତୁହି ସ୍ଵହାକାର | ତୁ ଅନଳ ତୁ ପବନ ତୁହି ନିରାକାର || 

କୃତାଞ୍ଜଳୀ ପୁଟେ ମୁହିଁ କରୁଛି ଗୁହାରି | ଦୀନ ହୀନ କୁ ଉଦ୍ଧାର କର ହେ ଶ୍ରୀହରି ||

✿✿✿✿✿

ସ୍ତୁତି ମାଳିକା 

ଶ୍ରୀ ଗଣେଶ ସ୍ତୁତି

ମା ତାରାତାରିଣୀ ସ୍ତୁତି 

ମା ଦୁର୍ଗା ସ୍ତୁତି

ମା ମଙ୍ଗଳା ସ୍ତୁତି

ଶ୍ରୀ ଜଗନାଥ ସ୍ତୁତି

ଶ୍ରୀ ନାରାୟଣ ସ୍ତୁତି

ଶ୍ରୀ ଶିବ ସ୍ତୁତି

ଶ୍ରୀ ନବଗ୍ରହ ସ୍ତୁତି

ଶ୍ରୀ ସୂର୍ଯ୍ୟ ନାରାୟଣ ସ୍ତୁତି

ବ୍ରତାବଳି କଥା

oomii05.com

SHARE SHARE SHARE

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.

• 
• 
• 
• 
•